510 7900
Ásvallagata 65
101 Reykjavík
VERÐ: 42.200.000
VERÐ: 42.200.000
LÝSING

Lind fasteignasala og Þorsteinn Yngvason, hdl. / löggiltur fasteignasali, kynna í einkasölu mjög fallega og mikið endurnýjaða 3 herbergja íbúð á fyrstu hæð í fjölbýlishúsi við Ásvallagötu 65 í gamla Vesturbænum.

Íbúðin skiptist í forstofu, tvær stofur, svefnherbergi, eldhús og baðherbergi. Þá fylgir íbúðinni jafnframt geymsla með gluggum í kjallara, hlutdeild í sameiginlegu þvottahúsi og hjóla og vagnageymslu. Samkvæmt þjóðskrá er birt flatamál eignarinnar 71,4 fermetrar.


Nánari lýsing:
Íbúðin er hluti af Verkamannabústöðunum við Hringbraut sem reistir voru á árunum 1931 til 1937 af Byggingarfélagi Verkamanna. Arkitekt hússins var Guðjón Samúelsson ásamt Einari Erlendssyni. Saman mynda húsin samfellda og óslitna randbyggð meðfram  Hringbraut, Bræðraborgarstíg, Ásvallagötu og Hofsvallagötu. Í miðjunni er stórt lokað sameiginlegt svæði með leiktækjum og bekkjum.  Íbúðinni fylgir einnig sameiginlegur fallega gróinn suðurgarður. Verkamannabústaðirnir við Hringbraut þykja merkur áfangi í sögu byggingarlistar og þróun húsnæðis- og skipulagsmála í Reykjavík.

Forstofa
 með flísum á gólfi og fatahirslu. 
Eldhús með parketi á gólfi og fallegri eldhúsinnréttingu sem er endurnýjuð að hluta. Ný og vönduð tæki frá Smith og Norland. Í eldhúsinu er boðrkrókur með upprunalegum eldhúsbekk. Gluggi er í rýminu sem snýr út í garðinn. 
Svefnherbergi með parketi á gólfi og stórum fataskáp. Tveir fallegir gluggar sem snúa út í garð.
Stofa/borðstofa með parketi á gólfi og stór gluggi.
Stofa/herbergi með parketi á gólfi og tveimur gluggum. Rýmið er nýtt sem stofa í dag en væri hægt að nýta sem auka svefnherbergi.
Baðherbergi með flísum á gólfi og á hluta veggja. Í baðherberginu er frístandandi baðkar með sturtu, salerni og handlaug. Gluggi er í rýminu.   
Gólfefni eru eikarparket og flísar

Þetta er falleg og vel staðsett eign í miðbæ Reykjavíkur með aðgengi að huggulegum garði. Í húsinu er starfandi öflugt húsfélag sem sér um allt viðhald á ytri byrði hússins. Stutt er í alla þjónustu, skóla, leikskóla, sundlaug og verslanir. 

Íbúðin hefur fengið gott viðhald í gegnum árin en hér að neðan er útlistun á helstu framkvæmdum og viðhaldi síðustu ára:
Allir gluggar í íbúðinni eru í upprunalegri mynd en sett hefur verið tvöfalt gler í þá að einum frátöldum. 2011 var skipt um öll gólefni íbúðarinnar, eikarparket og flísar. 2014 var sérsmíðuð ný eldvarnarhurð fyrir íbúðina. 2016 voru allir rofar og innstungur í íbúðinni endurnýjaðir. Þá var dregið nýtt rafmagn að hluta í íbúðina, innstungur færðar niður að gólfi og þeim fjölgað. Klæðning á útveggjum svefnherbergis var endurnýjuð, veggir einangraðir og gips lagt. Öll íbúðin var máluð og þá voru allir gluggar, listar og innréttingar lakkaðar. 2017 voru tæki á baðherbergi endurnýjuð, nýtt salerni og handlaug. Stigagangurinn í sameigninni var teppalagður og málaður. 2018 var eldhúsið uppgert, með að hluta til nýrri innréttingu. Gamla innréttingin var pússuð og máluð og skipt um borðplötu. Nýjir neðri skápar settir og efri skápar sérsmíðaðir af Axis. Ný og vönduð tæki í eldhúsinu frá Smith og Norland. Ný rafmagnstafla var sett upp fyrir eldhúsið. Sumarið 2018 voru allir gluggar blettamálaðir.

Allar frekari upplýsingar veitir Þorsteinn Yngvason, hdl. / löggiltur fasteignasali, í síma 696 0226 eða [email protected]

 

HAFA SAMBAND
Skilaboð hafa verið send.
Sjá söluyfirlit

Skilaboð hafa verið send.

Senda á vin
Skilaboð hafa verið send.