510 7900
Brávallagata 18
101 Reykjavík
VERÐ: 49.900.000
VERÐ: 49.900.000
LÝSING
Opið hús: 20. október 2020 kl. 17:00 til 17:30.

- Opið hús - Brávallagata 18 Reykjavík - þriðjudaginn 20. október nk. milli klukkan 17:00 - 17:30 - Vegna hertra sóttvarnarreglna er fólk hvatt til að koma með eigin grímur. Boðið verður upp á handspritt á staðnum.  Til að tryggja að ekki séu of margir inn í rýminu í einu verður hleypt inn í hollum eftir atvikum og biðjum við því áhugasama kaupendur um að sýna því skilning og þolinmæði og virða tveggja metra regluna í röð fyrir utan. Einnig er hægt að bóka í einkasýningar.

Lind fasteignasala kynnir afar fallega, bjarta og vel staðsetta þriggja herbergja íbúð á 1. hæð í vel viðhöldnu steyptu fjölbýlishúsi frá 1949 við Brávallagötu í Reykjavík. Íbúðin er alls 97,5 fm. að stærð með svölum sem snúa til suðausturs. Tvær samliggjandi rúmgóðar stofur eru í íbúðinni og er önnur stofa nýtt sem svefnherbergi í dag.

Verið er að klára múrviðgerðir og að endursteina framhlið hússins (suðvesturshlið) og eru framkvæmdir greiddar af seljanda. Búið er að endurnýja rafmagnstöflur í húsi og innan íbúðar. Auk þess er búið að endurnýja glugga í húsinu sem voru komnir á tíma. Að sögn eiganda var þak endurnýjað fyrir 8-10 árum síðan en verið er að klára/yfirfara þær framkvæmdir, sem voru ófullnægjandi, og laga þakkant hússins. Þær framkvæmdir eru sömuleiðis greiddar af seljanda.


Um er að ræða virkilega fallega og sjarmerandi íbúð á frábærum og eftirsóttum stað við Brávallagötu (gamla Vesturbænum) þaðan sem stutt er í alla verslun, þjónustu, fallegar hjóla/gönguleiðir og alla þá menningu sem miðborg Reykjavíkur hefur upp á að bjóða. 

Nánari lýsing: Komið inn í rúmgóða forstofu/hol með innbyggðum skápum og parketi á gólfi. Eldhús með parketi á gólfi, fallegri viðar eldhúsinnréttingu og glugga til suðausturs. Í eldhúsi er stál bakaraofn, keramik helluborð og tengi fyrir uppþvottavél. Stofur eru rúmgóðar og samliggjandi með parketi á gólfi. Stofur eru bjartar með gluggum út í bakgarð til norðausturs og suðausturs. Önnur stofa er nýtt sem svefnherbergi í dag. Einfalt væri að loka á milli þess herbergis og stofu. Hjónaherbergi er rúmgott með parketi á gólfi og skápum á heilan vegg. Gluggar til suðausturs og útgengi á svalir sem snúa inn í bakgarð. Baðherbergi með flísum á gólfi, innréttingu við vask, sturtu og glugga til vesturs. Lítil geymsla er inn af íbúð en önnur sérgeymsla er í kjallara.

Sameign: Er snyrtileg með dúk á stigagangi. Auk sérgeymslu með hillum er í kjallara sameiginlegt þvottaherbergi (sér tenglar fyrir hverja íbúð, þvottasnúrur og gluggar), sameiginlegt þurrkherbergi inn af þvottaherbergi (með þvottasnúrum, vinnuborði og gluggum til suðurs) og sameiginleg hitakompa inn af þvottaherbergi. Útgengi í fallegan og barnvænan bakgarð er frá sameign. Bakgarður er afgirtur með hellulagðri verönd, tyrfðum flötum, fallegum trjágróðri og sandkassa. Hellulögð stétt er að húsi.

Nánari upplýsingar veitir:
Heimir Hallgrímsson löggiltur fasteignasali, í síma 849-0672, tölvupóstur [email protected]

Sjá viðhengi til að opna hér fyrir neðan:
HAFA SAMBAND
Skilaboð hafa verið send.
Sjá söluyfirlit

Skilaboð hafa verið send.

Senda á vin
Skilaboð hafa verið send.