510 7900
Meistaravellir 7
107 Reykjavík
VERÐ: 72.500.000
VERÐ: 72.500.000
LÝSING

Eignin er seld og er í fjármögnunarferli.

Lind fasteignasala kynnir glæsilega, vel skipulagða og mikið endurnýjaða 5-6 herbergja endaíbúð í fallegu og vel viðhöldnu fjölbýli, teiknað af Kjartani Sveinssyni, við Meistaravelli í Reykjavík. Íbúðin er alls 153,2 fermetrar að stærð og þar af 22,0 fermetra bílskúr. Íbúðin er afar sjarmerandi, björt og með stórum svölum til suðurs og austurs. Gengið er út á svalir úr stofu og einu svefnherbergi íbúðar. Stórar samliggjandi stofur með stórum gluggum til suðurs og austurs. Einfalt er að bæta við fjórða svefnherbergi á kostnað hluta borðstofu líkt og upphaflegar teikningar gera ráð fyrir.

Eignin hefur verið mikið endurnýjuð á undanförnum árum að utan sem innan. Árið 2016 var eldhús endurnýjað á afar smekklegan máta ásamt því að skipt var um parket á íbúðinni. Ný rafmagnstafla er fyrir eldhús. Verið er að klára múrviðgerðir og málun á húsinu og hefur seljandi þegar greitt fyrir þær framkvæmdir. Framkvæmdir voru unnar eftir ítarlegri skýrslu Verksýnar sem var unnin í mars á síðasta ári. Skipt var um glugga sem kominn var á tíma en jafnframt endurnýjuðu eigendur íbúðarinnar öll gler í íbúðinni. Þakið var sömuleiðis yfirfarið ásamt þakrennum, niðurfallsrörum og lofttúðum. Þá var skipt um handrið á svölum hússins og dyrasímakerfi hússins endurnýjað.

Lóðin er 3542,0 fermetrar að stærð, sameiginleg og frágengin. Tyrfður og afgirtur garður til suðurs með leiktækjum. Malbikuð bílastæði eru norðanmegin við húsið með snjóbræðslu. Þá er hellulögð stétt fyrir framan hús einnig með snjóbræðslu.

Sérbílastæði er staðsett fyrir framan bílskúr. Bílskúr er í leigu í dag til 1. september nk. og er möguleiki á framlengingu þess leigusamnings ef vilji er fyrir hendi hjá nýjum eiganda.


Nánari lýsing:
Forstofa: Er rúmgóð með harðparketi á gólfi og miklu skápaplássi.
Stofa: Er stór, björt og með harðparketi á gólfi. Stórir gluggar til suðurs og útgengi á svalir.
Svalir: Eru stórar og liggja sunnan og austanmegin við húsið. Nýtt handrið er á svölum.
Borðstofa: Er rúmgóð, með harðparketi á gólfi og er opin við stofu og eldhús. Möguleiki er að bæta við fjórða svefnherbergi á kostnað hluta borðstofu. Gluggar til suðurs og austurs.
Eldhús: Var endurnýjað árið 2016. Harðparket á gólfi og falleg hvít sprautulökkuð eldhúsinnrétting. Stál bakaraofn, stál ofn/örbylgjuofn, stál háfur og spansuðu helluborð. Innbyggð uppþvottavél sem fylgir, innfelld lýsing í loftum og gluggi til austurs.
Svefngangur: Með harðparketi á gólfi.
Hjónaherbergi: Er rúmgott með harðparketi á gólfi, góðum skápum á heilan vegg og glugga til norðurs.
Svefnherbergi I: Með harðparketi á gólfi og glugga til norðurs.
Svefnherbergi II: Með harðparketi á gólfi, glugga til norður og austurs og útgengi á svalir.
Baðherbergi: Með dúk á gólfi, baðkar með sturtutækjum, upphengt salerni, innrétting við vask, tengi fyrir þvottavél og þurrkara og glugga til norðurs.

Bílskúr: Er 22,0 fermetrar að stærð og er staðsettur í bílskúrslengju vestanmegin við húsið. Rafmagnshurðaopnari á bílskúrshurð sem er einnig með inngangshurð. Upphitaður með heitu og köldu vatni. 
Sérgeymsla: Er 7,2 fermetrar að stærð og staðsett í kjallara. Hillur eru í geymslu og gluggi til norðurs.
Þvottaherbergi: Er sameiginlegt í kjallara. Snyrtilegt og stórt með þvottavél og þurrkara í eigu húsfélagsins. Málað gólf, vinnuborð, þvottasnúrur og gluggi til suðurs.
Þurrkherbergi: Er sameiginlegt í kjallara. Snyrtilegt, með máluðu gólfi og þvottasnúrum. 
Hjóla- og vagnageymsla: Með máluðu gólfi, hjólasnögum, útgengi á framlóð og glugga til norðurs.
Sameign: Er snyrtileg með teppi á sameign. 

Staðsetning eignarinnar er afar góð á eftirsóknaverðum stað við Meistaravelli í Vesturbæ Reykjavíkur þaðan sem stutt er í skóla og leikskóla, Íþróttasvæði KR, Vesturbæjarlaug, verslun og þjónustu og alla afþreyingu sem Vesturbærinn hefur upp á að bjóða. Fallegar hjóla- og gönguleiðir í næsta nágrenni.

Allar nánari upplýsingar veitir Heimir Hallgrímsson lögg. fasteignasali og lögmaður í síma 849-0672 eða á netfanginu [email protected]

Sjá viðhengi til að opna hér fyrir neðan:
HAFA SAMBAND
Skilaboð hafa verið send.
Sjá söluyfirlit

Skilaboð hafa verið send.

Senda á vin
Skilaboð hafa verið send.