510 7900
Álfatún 3
200 Kópavogur
VERÐ: 64.900.000
VERÐ: 64.900.000
LÝSING

Opið hús - Álfatún 3 - þriðjudaginn 23. febrúar milli klukkan 12:15 - 12:45. Áhugasamir eru beðnir um að skrá sig í opið hús hjá [email protected] eða í síma 849-0672 svo hægt sé að passa upp á sóttvarnarreglur. Gestir eru beðnir um að koma með andlitsgrímu með sér. Spritt er á staðnum.

Lind fasteignasala kynnir afar fallega og vel staðsetta fimm herbergja endaíbúð, með gluggum á þrjá vegu, á efri hæð í fallegu og vel viðhöldnu fjórbýli við Álfatún í Kópavogi. Íbúðin er alls 126,5 fermetrar að stærð og þar af 25,8 fermetra bílskúr. Íbúðin er afar sjarmerandi, björt og með glæsilegu útsýni yfir Fossvogsdalinn, að Esjunni, Úlfarsfelli, Akrafjalli og víðar. Útgengi úr stofu á stórar skjólgóðar svalir til suðurs sem snúa inn í bakgarð.

Það eru einungis tvær íbúðir á hæð sem deila með sér rúmgóðu þvottaherbergi á hæðinni með útgengi á lokaðar svalir með þvottasnúrum.

Eignin hefur verið mikið endurnýjuð á undanförnum árum að utan sem innan. Að sögn eiganda var húsið málað að utan fyrir u.þ.b. tveimur árum og þakið málað fyrir u.þ.b. fjórum árum síðan. Íbúðin hefur öll verið endurnýjuð að innan á smekklegan máta. Skipt var um alla ofan innan íbúðar fyrir tveimur árum. Þá var skipt um allt gler íbúðar fyrir fáeinum árum.

Lóðin er 5174,0 fermetrar að stærð, sameiginleg og frágengin. Hellulagður og tyrfður bakgarður til suðurs með fallegum gróðri. Hellulögð stétt fyrir framan hús með snjóbræðslu. 


Nánari lýsing:
Forstofa: Með flísum á gólfi og góðum skápum sem ná upp í loft.
Stofa: Er rúmgóð með parketi á gólfi og stórum gluggum til suðurs. Útgengi á stórar skjólgóðar suðursvalir.
Svalir: Eru stórar, skjólgóðar og liggja meðfram allri íbúðinni til suðurs. Flísalagðar og snúa inn í bakgarð.
Borðstofa: Er rúmgóð, með parketi á gólfi og gluggum til norðurs. Afar glæsilegt útsýni til norðurs yfir Fossvogsdalinn og til fjalla.
Eldhús: Með flísum á gólfi og fallegri viðar eldhúsinnréttingu. Vönduð Siemens eldhústæki og flísar á milli skápa. Uppþvottavél, stál bakaraofn, stál örbylgjuofn, stál háfur og spansuðuhelluborð. Góður borðkrókur og gluggi til norðurs með glæsilegu útsyni.
Hjónaherbergi: Er rúmgott með parketi á gólfi og góðum skápum sem ná upp í loft. Gluggar til austurs og suðurs.
Svefnherbergi I: Með parketi á gólfi og glugga til norðurs með glæsilegu útsýni.
Svefnherbergi II: Með parketi á gólfi, góðum skápum sem ná upp í loft og glugga til austurs.
Baðherbergi: Með flísum á gólfi og á veggjum, flísalagðri sturtu með innbyggðum blöndunartækjum og handklæðaofni. falleg innrétting við vask og speglaskápur með lýsingu. Opnanlegur gluggi til austurs.
Þvottaherbergi: Er rúmgott og er staðsett á hæðinni. Þvottaherbergi nýtist tveimur íbúðum á efri hæð. Tengi fyrir þvottavélar og þurrkara, innrétting og vinnuborð. Vaskur og þvottasnúrur. Útgengi úr þvottaherbergi á lokaðar svalir með þvottasnúrum.

Bílskúr: Er afar snyrtilegur, upphitaður og rúmgóður eða 25,8 fermetrar að stærð. Um er að ræða endabílskúr með glugga til austurs. Nýlegur rafmagns bílskúrshurðaopnari er á bílskúrshurð, vinnurborð, vaskur, heitt og kalt vatn. 
Sameign: Er mjög snyrtileg með flísum á jarðhæð og teppa á stigagangi. Gengið er út í bakgarð frá sameign.
Geymsla: Rúmóð og er staðsett á jarðhæð.

Staðsetning eignarinnar er á fjölskylduvænum og eftirsóknaverðum stað í lokaðri götu við Álfatún í Kópavogi. Um er að ræða afar veðursælan stað í næsta nágrenni við Fossvogsdalinn með alla sína útivistarmöguleika. Stutt er í Snælandsskóla, Álfhólsskóla, leikskóla og íþróttasvæði. 

Allar nánari upplýsingar veitir Heimir Hallgrímsson lögg. fasteignasali og lögmaður í síma 849-0672 eða á netfanginu [email protected]

Sjá viðhengi til að opna hér fyrir neðan:
HAFA SAMBAND
Skilaboð hafa verið send.
Sjá söluyfirlit

Skilaboð hafa verið send.

Senda á vin
Skilaboð hafa verið send.