510 7900
Efstasund 63
104 Reykjavík
VERÐ: 76.900.000
VERÐ: 76.900.000
LÝSING
Opið hús: Efstasund 63, 104 Reykjavík, Íbúð merkt: 01 01 01. Eignin verður sýnd laugardaginn 28. janúar 2023 milli kl. 12:00 og kl. 12:30.

Lind fasteignasala / Guðmundur Hallgrímsson lögg. fasteignasali kynna góða 142,3 fermetra (þar af 36,0 fermetra bílskúr) 4ra herbergja hæð í þríbýli á frábærum stað við Efstasund 63 í Reykjavík. Að sögn seljanda var tréverk hússins yfirfarið árið 2021 og skipt um það timbur sem var komið á tíma. Auk þess var þakið málað árið 2021. Möguleiki að útbúa þriðja svefnherbergið á kostnað borðstofu. Útgengi út stofu á góðar yfirbyggðar svalir til suðvesturs.

Steyptur stigi með nýju teppi liggur frá holi niður í sameign í kjallara. Góð geymsla í kjallara með glugga til vesturs. Útgengi er úr kjallara út að baklóð hússins. Sameiginlegt þvottaherbergi er staðsett í kjallara.

Lóðin er 552,3 fermetrar að stærð og sameiginleg með rishæð og íbúð í kjallara. Snyrtileg og vel hirt. Falleg beð og hellulögð stétt með snjóbræðslu. Tyrfð baklóð og hellulögð stétt að bílskúr. Sér bílastæði er fyrir framan bílskúr.

Nánari lýsing:

Forstofa: Er snyrtileg og sameiginleg með rishæð hússins. Flísar á gólfi og nýlegt teppi á stigagangi upp í rishæð.
Hol: Með plastparketi á gólfi. Gengið er í öll rými hæðarinnar frá holi. Gengið er niður í sameign hússins í kjallara frá holi.
Stofa: Með plastparketi á gólfi og glugga til suðurs og vesturs. Útgengi á góðar svalir.
Svalir: Eru yfirbyggðar og snúa til suðvesturs. Opnanlegar að hluta. Svalir eru upphitaðar og með dúk á svalagólfi.
Borðstofa: Með plastparketi á gólfi og gluggum til vesturs og norðurs. Opin að hluta við stofu og möguleiki er að breyta þessu rými í þriðja svefnherbergið.
Eldhús: Með dúk á gólfi og upprunalegri eldhúsinnréttingu. Rafha bakaraofn, helluborð og tengi fyrir uppþvottavél. Gluggar til norðurs og austurs ásamt borðkrók.
Baðherbergi: Með flísum á gólfi og hluta veggja. Sturtuklefi, innrétting við vask, upphengt salerni, tengi fyrir þvottavél og gluggi til austurs.
Svefnherbergi I: Með plastparketi á gólfi og glugga til suðurs. Opið að hluta til við stofu en einfalt að loka alveg. 
Svefnherbergi II: Með plastparketi á gólfi og gluggum til suðurs og austurs.

Bílskúr: Er 36,0 fermetrar að stærð, frístandandi með sérstæði fyrir framan. Inngangshurð vestan megin á bílskúr. Rafmagnshurðaopnari á bílskúrshurð og gluggar til vesturs. Upphitaður með heitu og köldu vatni. Múr á bílskúr hefur aðeins sprungið og þarf að laga.

Íbúð í kjallara er einnig til sölu og er seljandi sami aðili.

Staðsetning eignarinnar er afar góð á eftirsóknaverðum stað við Efstasund í Laugardalnum þaðan sem stutt er í skóla á öllum skólastigum, Íþróttasvæði Þróttar og Ármanns, Laugardalslaug, verslun og þjónustu og alla afþreyingu sem Laugardalurinn hefur upp á að bjóða. Stutt er í helstu stofnæðar frá hverfinu.

Seljandi hefur ekki búið í íbúðinni og þekkir því hvorki né getur borið ábyrgð á ástandi hennar umfram það sem sjá má við venjulega sjónskoðun.
Kaupendum er því bent á að kynna sér ástand eignarinnar vel og leita sér eftir atvikum aðstoðar sérfróðra manna við skoðun.


Allar frekari upplýsingar um eignina veitir:
Guðmundur Hallgrímsson Löggiltur fasteignasali í síma 898-5115 / [email protected]  

-Vegna mikillar eftirspurnar vantar allar tegundir eigna á skrá.
-Hafðu samband og við verðmetum eignina þína þér að kostnaðarlausu.
Gjöld sem kaupandi þarf að standa straum af vegna kaupanna: 
1. Stimpilgjald af kaupsamningi - 0,4% (fyrstu kaup), 0,8%(einstaklingar) 1.6% (lögaðilar) af heildarfasteignamati. 
2. Lántökugjald af veðskuldabréfi mishátt milli lánastofnuna. Nánari upplýsingar á t.d. heimasíðu lánastofnana. 
3. Þinglýsingargjald af kaupsamningi, veðskuldabréfi, mögulegu veðleyfi o.fl. - kr. 2.700 af hverju skjali.
4. Umsýslugjald til fasteignasölu 74.900,
 

Sjá viðhengi til að opna hér fyrir neðan:
HAFA SAMBAND
Skilaboð hafa verið send.
Sjá söluyfirlit

Skilaboð hafa verið send.

Senda á vin
Skilaboð hafa verið send.